Til baka á forsíðu
FAIL (the browser should render some flash content, not this).

 


Lokamarkmið verslunarbrautar

Verslunarbraut er skipulögð sem 18 eininga viðbótarnám að loknu grunnnámi þjónustubrautar. Tilgangur sérnáms verslunarbrautar er einkum:

  • að auka færni í fagtengdum verslunargreinum, s.s. sölu-, markaðs- og rekstrarfræðum
  • að auka færni í samskiptum og faglegri þjónustu
  • að auka hæfni skipulegum og markvissum vinnubrögðum
  • þjálfun til þess að takast á raunveruleg verkefni í atvinnulífi

 

Að loknu námi á verslunarbraut skal nemandi:

  • hafa góða færni í samskiptum, þekkja reglur sem gilda í samskiptum fólks og gildi þjónustu og mikilvægi hópvinnu
  • kunna lykilatriði faglegrar framkomu, jákvæðra samskipta og kunna að vinna úr gagnrýni og nýta með uppbyggilegum hætti
  • kunna almennar siðareglur eins og heiðarleika, stundvísi, þekkja mikilvægi ábyrgðakenndar og snyrtimennsku
  • þekkja mikilvægi nákvæmra og skipulagðra vinnubragða, s.s. vandvirkni, forgangsröðun, tímastjórnun, árangurssækni og ábyrgð
  • hafa innsýn í nýsköpunarferli, þekki ferli frá hugmynd að skipulögðu verkefni, þekkja hugtökin frumkvæði, nýsköpun, frumkvöðlamennt og skapandi hugsun
  • hafa skilning á mikilvægi þess að hafa þol gagnvart nýrri tækni, breytingum, nýjum áherslum, auka sveigjanleika og aðlögunarhæfni
  • hafa hagnýta þekkingu á stærðfræði, tölfræði og upplýsingatækni
  • hafa þekkingu viðfangsefnum og áherslum í rekstrarfræði
  • hafa þekkingu á sölufræði og sölu, s.s. framsetningu á vörum, staðsetningu á vörum, mikilvægi útlits í verslunum
  • gera sér grein fyrir verðmætasköpun einstakra fyrirtækja og heildaverðmætasköpun samfélagsins
  • hafa skilning á skipulagi og uppbyggingu framleiðslu og þjónustu í nútíma samfélögum
  • hafa þekkingu á verklagsreglum verslana, s.s. þekki sjóðsvélar, verklag á kassa, vöruskilareglur, neytendareglur, verklag við kassauppgjör, upplýsingakerfi, þekkja einkenni rýrnunar og leiðir til þess að koma í veg fyrir rýrnun, varnir gegn rýrnun, þjónaði og skemmdum á vörum
  • þekkja réttindi og skyldur starfsmanna 
  • öðlast færni í vinna úr viðfangsefnum- og verkefnum verslunar