Skrifstofustörf

Námskráin miðar að því að auka færni og hæfni skrifstofufólks til þess að sinna tilteknum þjónustustörfum. Skrifstofufólk vinnur, m.a. við eftirfarandi verkefni:

• almenn skrifstofu- og þjónustustörf, s.s. störf þjónustufulltrúa, símaþjónustu, móttöku viðskiptavina, flokkun skjala, pósts og erinda, o.s.frv.
• sölu og innkaup á vörum og þjónustu
• ráðgjöf og leiðbeiningar til viðskiptavina um almennar fyrirspurnir um þjónustu og vöruflokka viðkomandi fyrirtækis eða stofnunar
• þjóna innri og ytri viðskiptavinum fyrirtækis eða stofnunar
• skrá upplýsingar í gagnasafn, sinna úrvinnslu og túlka upplýsingar úr kerfum gagna í samvinnu við yfirmenn
• vinna með almenn og sértæk bókhalds-, launa-, fjárhagskerfi og annast skráningu og uppgjör bókhalds fyrir endurskoðun
• sala og markaðskynningar fyrirtækis eða stofnunar. Skipulagningu á sölu- og kynningarmálum og eftirfylgni slíks starfs
• vinna í samræmi við verklagsreglur, staðla og innra eftirlit fyrirtækis, s.s. kröfur um klæðnað, snyrtimennsku, framkomu, o.s.frv.
• vinna í samræmi við það laga- og reglugerða umhverfi sem fyrirtæki og stofnanir þurfa að laga sig að, s.s. stjórnsýslulög, lög um meðferð persónu¬upplýsinga, upplýsingalög, o.s.frv.